“Үхмээр байна, гэхдээ бас догбуги идмээр байна” номын зохиолч Бэк Сэ-хи 35 насандаа таалал төгсжээ. Тэрээр нас барахаасаа өмнө эрхтнээ хандивлан таван хүнд амьдрал бэлэглэжээ.
Өмнөд Солонгосын эрхтэн хандивлах агентлагийн өглөөний мэдэгдлээр, Бэк Сэ-хи нь үндэсний эрүүл мэндийн даатгалын Илсан эмнэлэгт зүрх, уушги, элэг болон хоёр бөөрөө хандивлаад нас барсан байна. Бэк Сэ-хи нь үүнээс өмнө тархины үхэлтэй болох нь тогтоогдож, ухаан ороогүй байна.
Бэк Сэ-хи нь Гёнги аймгийн Гоян хотод төрсөн бөгөөд гурван охины хоёр дахь нь байжээ. Тэр бага наснаасаа унших дуртай байсан бөгөөд их сургуулийн уран зохиолын ангийг төгссөн. Дараад нь таван жилийн турш хэвлэлийн газарт ажиллажээ. Түүний бичсэн “Үхмээр байна, гэхдээ бас догбуги идмээр байна” ном нь олон улсын бестселлэр юм. Энэхүү номоо сэтгэл гутралын онош авч, эмчтэйгээ хийсэн зөвлөгөөний үйл явцаараа бичиж байжээ.
