Амны хөндийн бактери, мөөгөнцөр нь нойр булчирхайн хорт хавдраар өвчлөх эрсдэлийг гурав дахин нэмэгдүүлдэг болохыг судалгаагаар тогтоожээ. Эртнээс судлаач, мэргэжилтнүүд амны хөндийн эрүүл ахуй муутай хүмүүс хорт хавдар болоод бусад олон өвчинд илүү өртөмтгий байдаг гэж үзэж ирсэн.
Саяхан NYU Анагаах Ухааны Сургуулийн эрдэмтэд ямар бактери эрсдлийг нэмэгдүүлж болохыг олж илрүүлж, аманд үүссэн эдгээр нян, мөөгөнцөр шүлсээр дамжиж нойр булчирхай руу очдог гэсэн онол дэвшүүлжээ.
Доктор Ричард Хэйс JAMA Oncology сэтгүүлд өгсөн ярилцлагадаа: “Шүдээ угаах нь шүдний өвчнөөс урьдчилан сэргийлэхээс гадна хорт хавдраас хамгаалдаг илүү тодорхой болсон” гэж хэлсэн байна. Амны хөндийн микробиом буюу амны хөндийд амьдардаг нян, мөөгөнцөр зэрэг нь хорт хавдарт нөлөөлөх боломжийг улам бүр судалж байна.
1.Гэдэс өвдөх
2.Жин гэнэт шалтгаангүй хасах
3.Нуруу бүсэлхий орчмоор өвдөх
4.Арьсны өнгө шарлах
5.Өтгөн усанд хөвөх
Энэхүү судалгаагаар судлаачид анх удаа арьсан дээр болон биеийн бүх хэсэгт амьдардаг кандидоз хэмээх мөөгөнцрийн төрөл нойр булчирхайн хорт хавдар үүсэхэд чухал үүрэг гүйцэтгэдэг болохыг тогтоожээ. Судлаачид нойр булчирхайн хорт хавдрын эрсдлийг нэмэгдүүлж буй 24 төрлийн бактери, мөөгөнцөрийг нэмж илрүүлжээ. Эдгээр бүлэг эрсдэлтэй микробууд хорт хавдар үүсэх эрсдлийг гурав дахин нэмэгдүүлдэг байна.
Нойр булчирхайн хорт хавдар нь ихэвчлэн хожуу үе шатандаа оношлогддог. Учир нь илрэх шинж тэмдгүүд нь бусад өвчний шинж тэмдэгтэй амархан андуурагддаг байна. Энэ хорт хавдар нь 75-аас дээш насны хүмүүст өртөх магадлал өндөр байдаг ч залуу бүлэг ч энэ өвчнөөр өвчилж болно.
1990-ээд оноос хойш 25-аас доош насны эмэгтэйчүүдийн дунд нойр булчирхайн хорт хавдар 200 хүртэл хувиар өссөн байна.
Эх сурвалж: dailymail.co.uk
