Израилийн арми Иордан голын баруун эрэгт Америкийн иргэншилтэй палестин хүүхдийг хөнөөжээ. Үүнийг палистины тал орон нутгийн цагаар 6-ны өдөр болсон гэжээ. Мөн өдөр тус бүсэд зам руу чулуу шидсэн “террорист” эдгээдгийг хөнөөсөн гэж Израилийн тал мэдэгджээ.
Мөн өдөр Израилийн арми Иордан голын баруун эргийн Тулмусая хотод терроризмын эсрэг үйл ажиллагаа явуулж байхад гурван “террорист” этгээд зам руу чулуу шидэж, замаар зорчиж буй машинуудад аюул учруулж байсан гэж Израилийн батлан хамгаалах хүчин мэдэгдэв. Ингэхдээ Израилийн арми тэдний нэгийг нь буудан алж, хоёрыг нь шархдуулсан байна.
Палестины эрх баригчид Израилийн энэ мэдэгдлийг няцааж, Тулмусая хот дахь мөргөлдөөн нь Израилийн оршин суугчдын өдөөн хатгалгаас үүдэлтэй хэмээн мэдэгдэж, Израилийн армийг “ямар ч шалтгаангүйгээр гал нээсэн” гэж шүүмжилсэн байна. Палестины албан ёсны мэдээгээр, мөргөлдөөний улмаас 14 настай Америк иргэншилтэй Палестин хүү буудуулж амиа алдсан ажээ.
Гуравдугаар сарын 18-нд Израилийн арми Газын зурваст цэргийн ажиллагаагаа сэргээж эхэлснээс хойш Палестины 1335 хүн амиа алдаж, 3297 хүн шархадсан тухай Газын эрүүл мэндийн газрын статистик мэдээ харуулжээ.
Эх сурвалж: Дэлхийн цаг
