Киев АНУ-тай хийсэн хэлэлцээний дараа гал зогсооход бэлэн гэдгээ мэдэгдсэнээс хэдхэн цагийн дараа Орос Украин даяар хүчтэй цохилт өглөө.
Энэхүү их хэмжээний пуужин болон дроны дайралт Дональд Трампын энх тайвны тухай шаардлагыг Владимир Путин хүлээж авах хүсэл эрмэлзэлд эргэлзээ төрүүлж байна.
Өчигдөр орой буюу 2025 оны 3 сарын 12-нд АНУ-ын Ерөнхийлөгч Путинтэй шууд ярилцана гэж сэтгүүлчдэд хэлэх үеэрээ: “Танго хийхэд хоёр хүн хэрэгтэй” Владимир Путин звшөөрнө гэж найдаж байна гэжээ.
АНУ-ын Төрийн нарийн бичгийн дарга Марко Рубио хэлэхдээ, Вашингтоны зүгээс ихээхэн шахалт үзүүлсний дараа Киев 30 хоног гал зогсоох тохиролцоонд хүрсэн бөгөөд одоо тийм эсвэл үгүй гэж хэлэх нь “Москва”-ийн” мэдлийн хэрэг. Хэрэв тэд үгүй гэж хэлвэл, харамсалтай нь бид энх тайван тогтооход юу саад болж байгааг мэдэх болно” гэж Рубио хэлээд энх тайвны төлөвлөгөөг энэ долоо хоногт Кремльд тавина гэж нэмж хэлэв.
Тухайн үед Саудын Арабт байсан хэлэлцээрт шууд оролцоогүй Влодимир Зеленский хэлэхдээ: Киев Америкийн төлөвлөгөөг хүлээн зөвшөөрч, байлдааны ажиллагааг нэн даруй зогсооход бэлэн байна гэжээ. Тэрээр нэмж хэлэхдээ: “Бид үүнийг эерэг алхам гэж харж байгаа бөгөөд үүнийг хийхэд бэлэн байна” гэж Украины Ерөнхийлөгч хэлэв. Мөн одоо Оросыг ийм зүйлд итгүүлэх нь АНУ-аас хамаарна гэсэн байна.
