Ухаа худаг орд MCS компанийн мэдэлд хэрхэн очив гэдгийг шалгах ажлын хэсгийг Ерөнхий сайд Л.Оюун-Эрдэнэ Хууль зүйн сайд О.Алтангэрэлээр ахлуулан байгуулсан билээ. Дуулиантай энэ шийдвэрийн дараахан тус компанийн З.Төрмандах тэргүүтэй таван хүнийг баривчлаад байгаа. Тэгвэл, өнөөдөр Хууль зүйн сайд О.Алтангэрэл тус ордыг авахдаа, Ж.Оджаргал нар Монгол Улсын Үндсэн хууль, Засгийн газрын тухай хууль, тухайн үед буюу 2007 оны үеийн хууль, одоо үйлчилж байгаа Ашигт малтмалын тухай хуулиудыг зөрчсөн үйлдэл хийснийг тогтоосон байна. Тодотговол, тогтоол гаргаад “Энержи ресурс”-ын эзэмшиж байсан тусгай зөвшөөрлийн талбайг стратегийн ордод хамруулсан атал энэ ордоор гэрээ хийгээд хэн нэгэн этгээдэд шууд эзэмшүүлэх эрх тухайн үеийн Үйлдвэр худалдааны сайдад байхгүйг онцолж байгаа юм. Энэ асуудлыг зөрчсөн хүн Халзхүүгийн Наранхүү сайд байжээ. 2008 оны гурван сард тус компанид ордыг шилжүүлэх эл цаг үед Санжийн Баяр Ерөнхий сайд байсан юм. Одоо уг асуудлыг УИХ-аар оруулж, Засгийн тогтоол өргөн мэдүүлж хэлэлцэн шийдвэрлүүлэх болжээ.
Б.ОРГИЛ
