Монгол улсын ерөнхий сайд асан Сү.Батболдын АНУ-ын Нью-Йорк хотод байх тансаг зэрэглэлийн хоёр орон сууцыг уул уурхайн хулгайн мөнгөөр худалдаж авсан нь нотлогдсон хэмээн Брүүклин дүүргийн прокурорын газраас мэдээллээ.
Сү.Батболд болон түүний гэр бүлийг 2012 болон 2015 онд Манхэттэн хотын төвд байрлах хоёр орон сууцыг нийт 14 сая ам.доллараар худалдан авсан гэсэн юм.
Худалдан авсан мөнгө нь Эрдэнэт үйлдвэрээс зэс худалдан авахаар Хонконгт бүртгэлтэй “Catrison Limited” компанид олгосон 68 сая ам.долларын гэрээнээс гарсан мөнгө бөгөөд “Catrison Limited” нь уул уурхайн салбарт ямар нэгэн туршлагагүй, Сү.Батболд итгэмжлэгдсэн зуучлагчаар дамжуулан тус компанийг удирдаж байсан хэмээн прокурорууд үзэж байгаа аж.
Энэ талаар АНУ-ын прокурор Пийс : “Монгол Улсын Ерөнхий сайд асан Cү.Батболд өөрийн хууль бус авлигаас олсон ашгаа АНУ-ын холбооны хуулийг зөрчин өндөр зэрэглэлийн үл хөдлөх хөрөнгө худалдаж авсан гэж таамаглаж байна. Өнөөдрийн хураан авах ажиллагаагаар авлигачдад манай үл хөдлөх хөрөнгийн зах зээлийг гэмт хэргээс олсон орлогыг нуун дарагдуулах газар болгон ашиглах боломжгүй гэдгийг сануулж байна” гэсэн юм.
