Хил хамгаалах байгууллагаас хилийн боомтуудын 2025 оны гуравдугаар сард ажиллах цагийн хуваарийг хоёрдугаар сарын 20-нд танилцуулсан. Хуваарийн дагуу Цагааннуур, Боршоо, Арцсуурь, Тэс, Ханх, Ульхан зэрэг ОХУ-тай хиллэдэг автозамын боомтууд шинийн 1-3-ны өдрүүдэд амрахаар зохицуулсан. Харин Бургастай, Шивээхүрэн, Гашуунсухайт, Ханги, Замын-Үүд, Бичигт, Сүмбэр зэрэг БНХАУ-тай хиллэдэг авто замын боомтууд гуравдугаар сарын 1-2-ны өдрүүдэд амрах хуваарьтай байсан.
Өнөөдөр гарсан Засгийн газрын шийдвэртэй холбогдуулан хилийн боомтуудын амрах хуваарьт өөрчлөлт орох эсэх талаар Хил хамгаалах байгууллагаас тодруулахад “Хуваарьт ямар нэгэн өөрчлөлт орохгүй” хэмээлээ. Олон улсын агаарын болон төмөр замын боомтууд цагийн хуваарийн дагуу хэвийн ажиллана.
