Нийслэлийн цэцэрлэгийн хүүхдийн бүртгэлийг хоёр үе шаттай зохион байгуулж байна. Эхний бүртгэл наймдугаар сарын 1-18 хооронд үргэлжилж E-Mongolia системээр хүсэлт хүлээн авч нийт 105,044 хүүхэд хүсэлтээ ирүүлсэн. Эхний шатанд бүртгүүлсэн хүүхдүүдийн хичээл эхлээд байгаа. Тэгвэл хоёр дах шатны бүртгэл маргааш буюу энэ сарын 5-наас- 15-ныг хүртэл E-Mongolia системээр хүлээж авах юм.
Энэ удаагийн бүртгэлд цэцэрлэгт бүртгэлгүй хүүхэд болон нэгдүгээр шатанд хүсэлтээ илгээж амжаагүй эцэг эх, асран хамгаалагчид, түр оршин сууж буй иргэд хүсэлтээ цахимаар илгээн цэцэрлэгт хамрагдах боломжтой.
Хэрвээ E-Mongolia системээр дамжуулан цэцэрлэгийн бүртгэлийн хүсэлт явуулах боломжгүй болсон тохиолдолд харьяа дүүргийн цэцэрлэг дээр ажиллаж байгаа ажлын хэсэгт хандаж зөвлөгөө, дэмжлэг авахыг Цахим Хөгжил, Инновац, Харилцаа Холбооны Яамнаас сануулсан байна.
2024-2025 оны хичээлийн жилд нийслэлийн хэмжээнд цэцэрлэгийн насны 142150 хүүхэд байгаа аж.
