Өвлийн аялал жуулчлалыг хөгжүүлэх зорилгоор жил бүр зохион байгуулдаг “Хөх сувд-2025” олон улсын мөсний баяр 24 дэх жилдээ ийнхүү өнөөдөр эхэллээ. Энэ жил мөсний баяр энэ сарын 13-23-ны хооронд Хатгал тосгоны Хүй толгойн урд “Хайчийн ам”-д болно. Өнөөдөр “Монголын гайхамшиг” мөсөн урлалын тэмцээн, тэшүүрийн тэмцээн, “Хөвсгөл нутгийн брэнд” үзэсгэлэн худалдааны нээлт, мөсөн дээрх буухиа тэмцээн болох юм.
“Хөх сувд-2025” олон улсын мөсний баярын мөсөн хотхоныг “Монголын гайхамшиг” сэдвийн хүрээнд Д.Цэрэнбат ахлагчтай мэргэжлийн баг урласан аж. Өнгрөсөн жил “Хөх сувд-2024” мөсний баярыг дотоод гадаадын 50,000 гаруй аялагчид болон жуулчид үзэж сонирхсон мэдээлэл бий. Сүүлийн 3 жилд жуулчид болон амрагч аялагчдын тоо 5 дахин өсжээ.
“Хөх сувд-2025” олон улсын мөсний баярын хөтөлбөрийг хүргэе.
