Менингоккын халдварын нөхцөл байдлын талаар ХӨСҮТ-ээс мэдээлэл хийлээ. Уржигдар буюу /2025оны 01.29/-ны өдөр Налайх дүүрэгт менингоккын халдвартай нэг хүүхэд бүртгэгдсэн. Хүүхдийн биеийн байдал маш хүнд байдалтай ХӨСҮТ-д хүргэгдэн очсон. Харамсалтай нь хүүхэд хүнд хэвээр байж байгаад өнөөдөр үдээс өмнө эндлээ.
2024 онд менингококкт халдварын таван сэжигтэй тохиолдол бүртгэгдсэнээс хоёр хүүхэд батлагдаж эмнэлэгээс эдгэрээд гарсан. Он гараад хоёр сэжигтэй тохиолдол бүртгэгдсэн. Өчигдөр Баянгол дүүргээс сэжигтэй нэг тохиолдол ирээд лабораторийн шинжилгээний дүн гарч байна гэв.
