Урьдчилан сэргийлэх эрт илрүүлэх үзлэр оношлогоог 2022 оноос орон даяар эхлүүлж байсан. Энэ сарын 16-ны байдлаар эрт илрүүлэгт улсын хэмжээнд 1.593.838 хүн хамрагджээ. Энэ нь нийт хамрагдах ёстой хүн амын 47,1 хувь нь юм байна. Дээрх иргэдийн 43.6 хувь нь эрчүүд бол 56.4 хувь нь эмэгтэйчүүд аж. Эрт илрүүлэгт хамрагдсан нийт иргэдийн 38.0 хувь нь эрүүл, 62.0 хувь нь эрүүл мэндийн өөрчлөлттэй гарсан байна.
Түүнчлэн 21 насны 50 хүн тутмын нэг нь солиорлын 45-60 насны арван хүн тутмын нэг нь сэтгэцийн эмгэгийн шинж тэмдэгтэй, 11-14 насны хүүхдүүд, 30-59 насны иргэдийн дунд сүрьеэгийн шинж тэмдэг олноор бүртгэгджээ. Мөн бүдүүн гэдэсний хавдрын шинжилгээгээр дотуур цус алдалт 50-аас дээш насанд, гепатитын В,С вирусын хавсарсан халдвар 60-аас дээш насанд давамгай байгаа аж. Эрт илрүүлгийн үзлэг шинжилгээгээр тэмбүүгийн 170 орчим, ХДХВ-ийн дөрвөн шинэ тохиолдол батлагдан хяналтад авсан аж. Түүнчлэн нийт 5797 хавдрын сэжигтэй хүний 371-д нь хорт хавдарыг шинээр илрүүлсэн байна.
