Өмнөговь аймаг нь 1997 оноос хойш өнөөдрийг хүртэл Дэлхийд ховор хоёр бөхт тэмээн сүргээ хайрлан хамгаалах, өсгөн үржүүлж ашиг шимийг нь нэмэгдүүлэх, тэмээчин ардын хөдөлмөрийг өндөрөөр үнэлэх, маллах арга ухаан, зан үйл, уламжлалыг өвлүүлж нийтэд таниулах зорилгоор жил бүр түмэн тэмээний баярыг зохион байгуулдаг уламжлалтай билээ.
Энэ жилийн “Түмэн тэмээний баяр 2025” Өмнөговь аймгийн төвд 2 дугаар сарын 1-3-ны хооронд болно.
Уг баяр Монголын өвлийн аялал жуулчлалыг тогтвортой хөгжүүлэн, 2016 онд 1108 тэмээ барианд оруулсан амжилтаар “Гиннес”-ийн дээд амжилтыг шинэчлэн тогтоосон түүхтэй юм.
