Жүжигчин, шүдний эмч Б.Бадамцэцэг Ерөнхийлөгчийн Эрүүл мэнд, нийгмийн бодлогын зөвлөх болсон байна.
Тэрээр 2012 онд “Шүд болон амны хөндийн эрүүл мэндийн боловсрол олгох үндэсний сан”-г байгуулж, хөдөө орон нутаг, алслагдсан дүүрэг, сумдын 500 гаруй хүүхдийн шүдийг эмчилж байв.
Түүнчлэн дөрвөн жилийн турш төрсөн өдрөөрөө 300 гаруй хүүхдийн шүдийг үнэ төлбөргүй эмчилж, нийгмийн сайн сайхны төлөө санаачилга гарган ажилласан. Жүжигчин Б.Бадамцэцэгийг 2022 онд Ерөнхийлөгч У.Хүрэлсүх Хөдөлмөрийн хүндэт медалиар шагнаж байлаа.
