Жендэрийн үндэсний хорооны Ажлын албанаас Европын холбооны санхүүжилтээр НҮБ-ын Хүн Амын Сантай хамтран хэрэгжүүлж буй “Монгол Улсад жендэрийн тэгш байдлыг хангах үндэсний чадавхыг бэхжүүлэх нь” (2024-2025) техник туслалцааны төслийн дэмжлэгтэй “Иргэд олон нийтэд зориулсан жендэрийн цахим тест”, “Удирдах албан тушаалтанд зориулсан жендэрийн цахим сургалт”-ын системийг хөгжүүлж, олон нийтэд танилцуулахад бэлэн болжээ. Эдгээр цахим систем нь төрийн болон хувийн хэвшлийн байгууллагын удирдах ажилтанд жендэрийн талаарх мэдлэг ойлголтоо богино хугацаанд бататгах боломжийг бүрдүүлэх аж. Жендэрийн эрх тэгш байдлыг хангах хууль, төрийн бодлогын хэрэгжилтийг дэмжихэд чухал ач холбогдолтой юм.
Ирэх лхагва гарат болох цахим тест, цахим сургалтын модуль танилцуулах арга хэмжээнд ЖҮХ-ны гишүүдийн төлөөлөл, салбар зөвлөл, хороодын жендэрийн мэргэжилтнүүд, ТББ, Хэвлэл мэдээллийн байгууллага, Олон улсын байгууллагын төлөөлөл оролцох аж.
