Улаанбаатарт энэ онд нийт 15 байршилд 5137 метр авто замын борооны ус зайлуулах шугам угсарсан байна.
Одоогийн байдлаар үерийн уснаас хамгаалах шаардлагатай гол байршлуудад шинээр 1.8 км үерийн далан барьж, үерийн далан нурж эвдэрсэн 9 газрыг засварлаж байна.
Мөн авто замын борооны ус зайлуулах 225 шүүрт худаг, 57 үзлэгийн худгийг шинээр барьж ашиглалтад оруулжээ. Нийт 655 шүүрт худгийг засварлаж нөхсөн байна. Одоо байгаа үерийн далангуудын 46 байршилд 67.2 мянган тонн лаг хагшаас цэвэрлэжээ.
