Эх сурвалж: Монголын лабораторийн нэгдсэн сүлжээний гүйцэтгэх захирал Физикийн шинжлэх ухааны доктор Дашдоржийн Наранбаатар:
“Дараах 15 газарт В,С-ГИЙН ШИНЖИЛГЭЭ өгсөн хүмүүс ДАХИН шинжилгээ өгөөрэй. В, С вирүсийн шинжилгээ хийж байсан 28 лабораториас дараах 15 лаборатори чанарын шаардлага хангаагүй нь тогтоогдсон. Үүнд:
1. Хаппи веритас лаборатори
2. Ай Ти лаборатори
3. Итгэл лаборатори
4. Онкоген лаборатори
5. Гэгээн ар үр эмнэлэгийн лаборатори
6. Евростандарт лаборатори
7. Мобио лаборатори
8. Протлаб лаборатори
9. Улсын хоёрдугаар төв эмнэлгийн лаборатори
10. Багануур дүүргийн Эрүүл мэндийн төвийн лаборатори
11. Сүхбаатар аймгийн Нэгдсэн эмнэлэгийн лаборатори
12. Дермамед ЮБИ нэгдсэн лаборатори
13. Гялс анагаах ухааны төвийн лаборатори
14. Мед аналитик лаборатори
15. Экспресс оношилгооны тѳвийн лаборатори.
Улмаар энэ үнэлгээний дүгнэлтэнд үндэслэн Эрүүл мэндийн даатгалын ерѳнхий газар эдгээр 15 лабораторийн гэрээг түдгэлзүүлж, улмаар Хаппи веритас, Ай Ти болон Итгэл лабораториудад 1.5 тэрбум гаруй тѳгрѳгийн торгуул, акт тавиад байгаа юм. НУУЖ ДОРДУУЛАХ УУ? ИЛЧИЛЖ ЭРҮҮЛЖҮҮЛЭХ ҮҮ? гэдэг асуулт та бидний ѳмнѳ тулгараад байна.” Ингэж бичин олон нийтийн сүлжээгээр дамжин олон хүнд хүрч байна. Энэ бол нэг талдаа мэргэжлийн байгууллагууд стандартаа барих шаардлагатайг, нөгөө талдаа иргэд хаана ямар эмнэлэг, лабораторид өөрийн эрүүл мэндээ даатгахаа судлан сонгох шаардлагатайг сануулж байгаа хэрэг юм.
Тэгвэл стандарт гэж юу вэ?
Тодорхой нөхцөл байдалд нийцтэй, харилцан ажиллах чадвар, чанар, аюулгүй байдал болон бусад шинж чанарыг хангах зорилгоор тогтоосон шалгуур, заавар, техникийн үзүүлэлтүүдийн багцыг хэлдэг.
Стандартыг дагаж мөрдөх нь ямар ач холбогдолтой вэ?
Олон салбарт үр ашиг, найдвартай байдал, аюулгүй нөхцөлийг нэмэгдүүлж, инновацыг дэмжиж, олон салбарын оролцогч талуудын хамтын ажиллагааг хөнгөвчлөхөд тусалдаг.
