Монгол Улсын Их Хурлын 2024 оны ээлжит бус чуулган наймдугаар сарын 15-30-ны өдрүүдэд хуралдсан. Тэгвэл энэ хугацаан дахь гишүүдийн ирцийн мэдээллийг УИХ-ын Хуралдаан зохион байгуулах хэлтсээс мэдээллээ.
Ирцийн мэдээллээс харвал ээлжит бус чуулганы хугацаанд УИХ нийт долоон удаа хуралджээ. Тэгвэл ээлжит бус чуулганы хамгийн их хоцролт, таслалттай гишүүдийг нэрлэж байна.
–УИХ-ын гишүүн Д.Батлут ээлжит бус чуулганд 5 удаа оролцоогүй байна. Орон нутагт ажилласан 1 хоног, тасалсан 4 хоног;
–УИХ-ын гишүүн Ж.Ганбаатар ээлжит бус чуулганд 5 удаа оролцоогүй. Гадаадад явсан 3 хоног, тасалсан 2 хоног;
–УИХ-ын гишүүн Б.Пүрэвдорж чуулганд 5 удаа оролцоогүй. Орон нутагт 5 хоног ажилласан;
-УИХ-ын гишүүн Д.Ганмаа ээлжит бус чуулганд огт оролцоогүй.
–УИХ-ын гишүүн Х.Баттулга чуулганд 5 удаа оролцоогүй. Гадаадад явсан 3 хоног, тасалсан 1, хоцорсон 1;
Харин хамгийн их хоцролттой гишүүдийг 5 удаагийн хоцролттойгоор УИХ-ын гишүүн Жудагийн Баярмаа тэргүүлжээ.
