Саяхан ганц бие өдгөө 55 настай Хью Жэкман инстаграмдаа цээж нүцхэн сельфи нийтэлсэн нь сошиал орчинд шуугиан тариад байна. Хью зөвхөн Under Armour спорт өмд өмссөн байсан бөгөөд уг зургийнхаа тайлбар дээр”Би талархаж байна” гэж бичжээ. Шүтэн бишрэгчид нь сэтгэгдэл хэсэгт “би ч гэсэн”, “Хью бид ч бас талархаж байна” “Дараагийн удаад над руу биечлэн ийм зураг явуулаарай” гэх мэт сээтэгнүүр хариултыг бичжээ.
Түүний хамгийн сүүлийн үеийн Deadpool & Wolverine кино театрт нээлтээ хийснээс хойш таван долоо хоног бокс оффисыг тэргүүлсээр байна. Энэ долоо хоногт л гэхэд 18.3 сая долларын орлого олжээ. АНУ-ын томоохон баяруудын нэг “Хөдөлмөрийн өдөр” гэхэд киноны тасалбарын орлого 600 сая доллар давах төлөвтэй байна.
Одоогийн байдлаар тус кино нь “Алтан трейлер” шагналыг гурван удаа хүртэж, “Шилдэг тизер”, 2024 оны зуны “Блокбастер трейлер”, “Шилдэг шоу” нэвтрүүлэг зэрэг шагналуудыг хүртээд байна. Мөн 2024 оны хамгийн их хүлээлт үүсгэсэн кинонд өгдөг “Дижитал тагнуулч” уншигчийн шагналыг хүртсэн.
Хью жилийн өмнө гэрлэлтээ цуцлуулсан ба Деборра-Ли Фурнесс гэх эмэгтэйтэй 30 гаруй жил амьдарсан юм. Тэд 1996 оны 4-р сарын 11-нд Австралийн Мельбурн хотын нэгэн сүмд танилцаад жил хүрэхгүй хугацааны дараа гэрлэсэн. Тэд гэрлэхдээ Хью 27 настай Деб 41 настай байсан бөгөөд тэд 24 настай Оскар, 19 настай Ава хоёр гэх хоёр хүүхэдтэй.
