ОХУ-ын супер гроссмейстер Александр Гетманский 3 хоногийн сургалт явуулах гэж байгаа аж. Тодруулбал “Mongolia 2024” Дэлхийн цомын тэмцээнд оролцохоор бэлтгэлээ базааж буй Монголын даам сонирхогчид, хүүхэд залууст зориулж долдугаар сарын зургааны өдөр 100 буудалт даам, долоонд бразил даам, найманд орос даамын хичээл заах юм байна. Мөн энэ үеэр их мастерын бичсэн 64 буудалт даамын тухай ном болон “Келлерийн систем”, “100 буудалт даамын 50 гараа”, “Потомки Левши за шашечной доской” зэрэг номнуудаа борлуулах гэнэ. Уг сургалтад хамрагдах хүсэлтэй даамчид 96165545, 88004087 дугаараар холбогдож дэлгэрэнгүй мэдээлэл авах боломжтой юм байна.
Дэлхийн шилдэг их мастеруудын нэг Александр Эдуардович Гетманскийн томоохон амжилтуудаас:
- – 1995, 1996 оны Залуучуудын дэлхийн аварга
- – 1998, 1999, 2015 оны ОХУ-ын аварга
- – 2005, 2006 оны Багийн Дэлхийн аварга
- – 2013, 2021 оны Багийн Европын аварга
- – 2021 оны рапид тоглолтын Дэлхийн аварга
- – 2021 оны ДАШТ-ний мөнгөн медальт
- – 2020-21 оны улирлын FMJD-ийн Дэлхийн цомын ялагч
- – 2022-23 оны улирлын IDF-ийн Дэлхийн цомын ялагч
