Олон улсын “Healthy” байгууллагаас Ази, Европын 64 улсаас орчны бохирдлын судалгаа хийжээ. Судалгаагаар манай улс сүүл мушгисан үзүүлэллтэй гарлаа. Тус судалгаанд Хятад, Солонгос, Япон, Швейд зэрэг 64 улс хамрагджээ. Уг судалгаагаар хөрсний бохирдол, тоосжилт, амьдрах таатай орчин, нүүрстөрөгчийн исэл зэргийг харгалзан үзэж, үр дүнгээ гаргасан байна.
Улаанбаатар хотын агаарын бохирдолын эх үүсвэрийг дулааны цахилгаан станц 44.2, гэр хороолол 31, автомашин 16.1, бусад эх үүсвэр 8.7 хувийг бүрдүүлдэг байна. Үүнээс дулааны цахилгаан станцыг хасаад, үлдсэнийг нь 100 хувь гэж үзвэл, агаарын бохирдлын 55.6 хувийг гэр хороолол, 28.9 хувийг автомашин, 15.5 хувийг бусад эх үүсвэр эзэлж байна. Агаарыг тоосонцор, нүүрстөрөгчийн дутуу исэл, хүхэрлэг хий, азотын давхар исэл зэрэг нь бохирдуулдаг аж. Эдгээрийн хамгийн их хувийг эзэлдэг тоосонцорын 52.3 хувь, азотын давхар ислийн 63.2 хувийг автомашин, нүүрстөрөгчийн дутуу ислийн 64.1 хувь, хүхэрлэг хийн 71.7 хувийг гэр хороолол бүрдүүлж байна гэсэн дүгнэлт гарчээ.
Орчны бохирдлын улмаас Дэлхийд жилд дунджаар 13 сая орчим хүн нас бардаг байна. Энэ нь дэлхийн нийт нас баралтын 25 хувийг эзэлдэг бөгөөд үүнээс долоон сая орчим нь агаарын бохирдолтой холбоотой нас баралт байдаг аж.
