Ойрын өдрүүдэд цаг агаар дулаарч өндөр байшин, орон сууцны барилгын дээврийн цас, мөс хайлж ойр орчимд явган зорчих иргэдийн дээрээс мөс унаж гэмтээх аюултай байгаа учраас анхаарал болгоомжтой зорчихыг зөвлөж байна. Мөн иргэд автомашинаа байшингийн булан, тохойд тавихгүй байхыг анхааруулж байна.
Байгууллага, аж ахуйн нэгж, сууц өмчлөгчдийн холбоо, иргэд өөрсдийн эзэмшлийн байшин, орон сууцны барилгын дээврийн цасыг цэвэрлэж, мөс унах аюулаас урьдчилан сэргийлэх арга хэмжээ авч ажиллахыг анхааруулъя.
