Нийслэлийн хэмжээнд сүүлийн хоёр хоногт бүртгэгдсэн гал түймрийн 40 дуудлагаас 31 нь модны хөвөн шатсан гэх дуудлага байна. Модны хөвөн нь шатамхай чанартай тул иргэд тамхины иш санамсаргүй хаях, мөн санаатайгаар шатааж буйгаас болж бусдын эд хөрөнгө, эрүүл мэндэд хохирол учруулж болзошгүйг албаны эх сурвалжууд анхааруулж байна.
Монголд хамгийн өндөр тархацтай модны төрөл бол улиас бөгөөд жил бүрийн энэ үед үр нь их хэмжээгээр унадаг байна. Үүнтэй холбоотойгоор иргэд модны хөвөнг шатааж гал түймэр гаргах эрсдэл өндөр байдаг учраас залуучууд болон хүүхдүүддээ энэ цагаан хөвөнг шатаахгүй байхыг анхааруулаарай.
