Япон Улсын Засгийн газрын санхүүгийн дэмжлэгээр НҮБ-ын Хүүхдийн сангаас хэрэгжүүлж байгаа “Улаанбаатар хотын үерийн эрсдэлтэй бүсэд нийгмийн эрүүл мэндийг хамгаалж ус хангамж, ариун цэвэр, эрүүл ахуйн байдлыг сайжруулах нь” төслийн хүрээнд ОБЕГ-т гурван ширхэг өндөр хүчин чадал бүхий үерийн ус зайлуулах насосыг хүлээлгэн өгчээ.
Бүрэн автомат насос нь түлш бага зарцуулдаг, хөдөлгүүрийн хэмжээ авсаархан бөгөөд удаан хугацаанд хуурай ажиллах чадвартайгаас гадна секундэд 58 литр ус соруулах хүчин чадалтай.
Статистикаас харахад өнгөрсөн оны эхний долоон сарын \2023.7\ байдлаар үерийн аюул 85 удаа болж байжээ. Харин 2022 онд 14, 2021 онд 42, 2020 онд 49 удаа үер болж байсан тухай эх сурвалжид тэмдэглэсэн байна.
