2024 оны Өсвөр, залуучуудын ДЭЛХИЙН аварга шалгаруулах 100- буудалт даамын тэмцээн аравдугаар сарын 25-наас 11 дүгээр сарын хоёрны өдрүүдэд Польш улсын Шкалярска Поремба хотод зохион байгуулагдсан. Тус тэмцээнд 25 орны 300 гаруй тамирчин охид, хөвгүүд 5 насны ангилалд өрсөлдөж, оюун ухаанаа сорилоо.
Манай улсаас өсвөрийн насны ангилалд 23 тамирчин, залуучуудын насны ангилалд 5 тамирчин өрсөлдөж байгаагаас стандарт буюу тэмцээний үндсэн төрөлд Монголын тамирчид 4 алтан мелаль, 2 мөнгөн медаль, 2 хүрэл медаль хүртэж багийн дүнгээр аваргаллаа. Тэмцээний дүн гарахаас нэг өргийн өмнө манай гурван тамирчин алтан медалийн болзол хангаад байсан нь бас нэг түүхэн амжилт байлаа. Харин 10 сарын 31 нд болсон сүүлчийн өргийн дараахь байдлаар дахин нэг алт, хоёр мөнгө, хоёр хүрэл нэмэгдэж 3 дахь жилдээ алтан цомын эзэн болох нөхцөлөө бүрдүүллээ.
Стандарт төрөлд Б. Оюун-Үжин алтан медаль, Г. Дэлгэрмаа алтан медаль, Б. Тамир алтан медаль, Б. Алтанхүү алтан медаль , Б. Алтан -Эрдэнэ мөнгөн медаль, З. Отгонсүрэн мөнгөн медаль, Д. Ангараг хүрэл медаль, Н. Түвшинбаяр хүрэл медалийн эзэд боллоо.
Харин 11 дүгээр сарын 1 -нд болсон түргэвчилсэн буюу рапид тоглолтод 3 алт, 2 мөнгө, 3 хүрэл медаль хүртлээ.
1. Б. Оюун-Үжин дахин тэргүүлж хос алтан медаль
2. Г. Дэлгэрмаа дахин тэргүүлж хос алтан медаль
3. Б. Алтан-Эрдэнэ үндсэн төрлийн мөнгөн медалиал дээрээ
алтан медальнэмлээ
4. Б. Алтанхүү үндсэн төрлийн алтан медальдээрээ хүрэл медаль 
нэмлээ
5. Д. Ангараг үндсэн төрлийн хүрэл медальдээрээ мөнгөн медальнэмлээ
6. Н. Дэлгэржаргал мөнгөн медаль
7. Э. Энххүслэн хүрэл медаль
8. С. Намужин хүрэл медаль тус тус хүртлээ.
БЛИЦ төрөлд 5 алт, 3 мөнгө, 2 хүрэл медаль авч багийн дүнгээр ТЭРГҮҮН байр эзэлсэнээр тэмцээнээ амжилттай өндөрлүүллээ.
Эх орныхоо нэрийг өндөрт өргөж төрийн дууллаа дэлхийн дэвжээнд эгшиглүүлж бахдам амжилт үзүүлсэн баг тамирчиддаа халуун баяр хүргье.
