МҮОНРТ-ээр төлбөргүй нэвтрүүлэх УИХ-ын 2024 оны ээлжит сонгуульд өрсөлдөгч нам эвсэл, бие даан нэр дэвшигчдийн өнөөдрийн /2024.06.10/ мэтгэлцээний сэдэв, цагийн хуваарь гарлаа.
Өнөөдөр МҮОНР болон МҮОНТ-ээр сонгуулийн 3 мэтгэлцээн явагдана. Мэтгэлцээнийг Монголын радио болон МҮОНТ-ийн Үндэсний телевизийн суваг, MNB.mn сайт, Mongolian National Broadcaster фэйсбүүк хуудсаар хүлээн авч үзэх боломжтой юм.
Сануулахад, сонгуулийн өдрүүдийн мэтгэлцээний сэдэв, дарааллыг хийхдээ МҮОНРТ-ийн Үндэсний телевиз, Монголын мэдээ, Монголын радио, Хурд агентлаг, MNB.mn сайтын сэтгүүлч, уран бүтээлчид хамтран олон нийтийн оролцоог хангаж, нам, эвслүүд, бие даагчдын төлөөллийг оролцуулан бэлтгэсэн.
Сонгуульд өрсөлдөгч нам, эвсэл, бие даан нэр дэвшигчид энэ өдрүүдэд эрүүл мэнд, хөдөө аж ахуй, боловсрол, соёл урлаг, аялал жуулчлал, төр нийгмийн асуудал, нийгмийн даатгал, халамж, нийслэлийн асуудал, гадаад харилцаа, хөдөлмөрийн зах зээл зэрэг 102 сэдвээр мэтгэлцэнэ.
