Өмгөөлөгч Г.Батбаяр 2024 оны дөрөвдүгээр сарын 21-нд гэрээсээ гарч сураггүй алга зургаан хоногийн дараа буюу дөрөвдүгээр сарын 27-ны өдөр ХУД 22 дугаар хорооны нутаг дэвсгэрт байрлах Богд хан амралтын газрын зогсоолд байрлуулсан машиндаа нас барсан байдалтай олдсон.
Түүнийг сураггүй болсноос хойш хоёр хоногийн дараа төрсөн дүү нь цагдаагийн байгууллагад дуудлага мэдээлэл өгсөн байдаг. Мөн ар гэрийнхэн нь уг харуусалтай тохиолдлыг гадны нөлөөтэй хэмээн мэдээлээд байгаа билээ.
Г.Батбаяр агсны амь насаа алдсан шалтгаан болон холбогдох нөхцөл байдлыг тогтоох задлангийн болон бусад шинжилгээний хариу дүгнэлтүүд гарч хэргийн оролцогч нарт танилцуулж, эхэлжээ.
Энэ төрлийн хэрэгт үхлийн шалтгаан тогтоох, эд зүйлс, биологи, ДНХ, орчны нөхцөл, харилцаа холбоо зэрэг 30-35 төрлийн шинжилгээ хийхээр мөн тооны шинжээч нар ажилладаг байна.
