Нийслэлийн Аялал Жуулчлалын Газар болон “Тэнгэр тайлал” холбоо, бөөгийн бусад холбоо хамтран “Тэнгэр” бөөгийн фестивалийг тавдугаар сарын 24-27-ны өдрүүдэд зохион байгуулна. Уг фестивальд дэлхийн 28 улсын бөө, Монголын бөөгийн холбоод, галууд оролцох аж. Мөн бусад улс орноос хэвлэл мэдээллийн байгууллагынхан, киноны баг ирж ажиллах юм байна.
Монголын уламжлалт зан заншил болсон бөөг дэлхий нийтэд түгээх зорилготойгоор уг фестиваль хоёр дахь жилдээ болох гэж байна. Өнгөрсөн жил 11 улсын бөө ирсэн бол энэ удаад 28 улсын бөө оролцох аж.
“Тэнгэр” фестивалийн үеэр их нар, их гал, од эрхэс, лусын тахилга хийх, бөөгийн парад, туг сүлд залах ёслол болно.
