Монгол улсын зуун буудалт даамын эрэгтэй 47 дахь, эмэгтэй 34 дэх удаагийн улсын аваргын тэмцээн Дундговь аймгийн Мандалговь хотноо тавдугаар сарын 6-аас 13 -ны хооронд боллоо.
Улсын аварга шалгаруулах тэмцээнд 10-62 насны эрэгтэй 14, эмэгтэй 12 тамирчин оролцсоноос Олон улсын их мастер 3, Олон улсын мастер 1, Дэлхийн даамын холбооны мастер 5, Дэлхийн даамын холбооны дэд мастер 2, Монгол улсын спортын мастер 11, Дэд мастер 3 оролцож оюун ухаанаа сорилоо.
Эрэгтэйчүүдийн ангилалд 23 оноогоор I байрт Дэлхийн Даамын Холбооны Мастер Г.Гэрэлболд, 21 оноогоор II байрт Олон Улсын Их Мастер Р.Манлай, 17 оноогоор III байрт Дэлхийн Даамын Холбооны Мастер Д.Ганболд нар шалгарав.
Харин эмэгтэйчүүдийн ангилалд 19 оноогоор I байрт Олон Улсын Их Мастер Б. Мөнхжин, 17 оноогоор II байрт Дэлхийн Даамын Холбооны Мастер Э.Даариймаа, 16 оноогоор III байрт Спортын Мастер Ц.Цацрал нар шилдэгээр тодорлоо.
Мөн тус тэмцээнд Э.Ану 9 оноо авч Спортын Мастерын 1 баллын болзлыг хангажээ.
