Монгол улсын аварга шалгаруулах 100 буудалт даамын насанд хүрэгчдийн тэмцээн Дундговь аймгийн Мандалговь хотноо энэ сарын зургааны өдөр нээлтээ хийлээ. Тэмцээн 6-13-ны өдрүүдэд болж аваргууд тодорно. Тодруулбал Эрэгтэйчүүдийн 47 дахь, эмэгтэйчүүдийн 35 дахь удаагийн улсын аварга даамчид тодрох юм.
Тэмцээнд шалгаран оролцож байгаа шилдэг 26 тамирчдын дунд Олон улсын их мастер 3, Олон улсын мастер 1, Дэлхийн даамын холбооны мастер 5, Дэлхийн даамын холбооны дэд мастер 2, Монгол улсын спортын мастер 11, Дэд мастер 3 оролцож байна.
