Бразилийн өмнөд хэсгээр олон хоног үргэлжилсэн аадар борооны улмаас усан цахилгаан станцын далан нурж, их хэмжээний үер болж 30 гаруй хүн амь насаа алджээ.
Тус улсын албаныхны мэдээлснээр Рио Гранде-ду-Сул мужид 60 хүн сураггүй болсон байна. Түүнчлэн бямба гарагаас хойш 15,000 орчим оршин суугч гэр орноо орхин дүрвэсэн бөгөөд муж даяар 500,000 орчим хүн цахилгаан, цэвэр усгүй болжээ.
Ерөнхийлөгч Луис Инасио Лула да Силва тус бүс нутагт айлчилж, төв засгийн газраас тусламж үзүүлнэ гэж амлажээ.
Үерийн улмаас гацсан хүмүүсийг эрэн хайхаар нисдэг тэрэгнүүд ажиллаж байгаа бөгөөд зарим газруудад үер маш хүчтэй байгаа тул нисдэг тэрэгнүүд газардах боломжгүй болоод байгаа аж.
Цаг уурын албанаас хүйтний эрч чангарч, бүс нутагт дахин бороо орно гэж таамаглаж байгаагаа мэдэгдсэн байна.
