Өнгөрсөн 21-ний өдөр Сонгинохайрхан дүүргийн 41 дүгээр хорооны нутаг дэвсгэрт оршин суух 50 орчим насны эмэгтэй бага насны хүүхдийн хамт угаартжээ. Яаралтай түргэн тусламжийг үзүүлсэн ч хүүхэд өөд болж хамт угаартсан эмэгтэй эмнэлэгт хүргэгдэн, биеийн байдал нь тогтворжсонг албаны эх сурвалж мэдээллээ.
Угаартаж нас барлаа гэх мэдээлэлд нийгмээрээ цочирдож, нийтээрээ харамсан халагладаг байсан бол өнөөдөр “нам гүмхэн” байна. Дасгана гээч нь болж байна уу?
Хэрэг хуучирдаггүй гэдэг. Сайжруулсан түлш хэрэглэснээс хойш 500 гаруй хүн угаартаж нас барсан гэсэн тоо байна. Тодруулбал 2017 онд 74, 2018 онд 86, 2019 онд 96, 2020 онд 124, 2021 онд 184, 2022 онд 122, 2023 онд 53, 2024 оны эхний улирлын байдлаар 18 хүн угаартаж нас бараад байна.
