Израилын арми Газын зурвасын өмнөд хэсэг буюу Хан Юнис хотоос цэргүүдээ татах шийдвэр гаргаснаар палестинчууд гэртээ буцах боломжтой болж байгаа юм. Гэвч тэдний гэр орон буй Хан Юнис хотын тэн хагас нь бөмбөгдөлтөнд өртөж, сүйджээ.
Дайн эхлэхээс өмнө 400 мянга гаруй иргэн амьдардаг байсан тус хотын нийт барилга байгууламжийн 50 гаруй хувь нь сүйджээ.
Израил Хан Йенис дахь дайралтаа зогсоож, цэргүүдээ татаж буйгаа зарласан үеэс эхлэн палестинчууд хоргодох байрнаасаа гарч, өмнө зүгт хот руугаа нүүж эхэлжээ. Гэвч орон гэрээ орхиод, үлдсэн эд хогшлоо цуглуулж түр хоргодох байр руугаа буцахаас өөр аргагүй нөхцөл байдал тэднийг угтжээ.
BBC-ийн сурвалжлах багийнханд хандан:
Нур Аяш: “Байрны маань шат нурсан учир, гэр лүүгээ орох боломжгүй болжээ. Бид энд амьдрах боломжгүй болсныг анзаарч байна. Гэхдээ ядаж эд хогшил, хүүхдүүдийн маань хувцас байвал олж авахыг хүсэж байна”.
Өөр нэг буцаж ирсэн оршин суугч: “Бид зарим зүйлээ авахаар ирсэн. Бид гэр орноосоо ямар нэгэн зүйл үлдсэн эсэхийг, жишээлбэл, хувцас гэх мэт эд хогшлоо авахыг хүссэн юм”.
Мохаммед Абу Диаб: “Би гэр рүүгээ явах гэж байна. Гэр маань сүйрсэн байгааг мэдэж байгаа. Гэхдээ би цамц гаргахын тулд нурангийг зайлуулна” хэмээн яриа өгчээ.
Эх сурвалж: BBC
