Финлянд улсын нийслэл Хельсинкийн ойролцоо дунд сургуульд буудалцаан болж 12 настай гурван хүүхэд шархаджээ. Хэрэг орон нутгийн цагаар өнөөдөр өглөөний 09:00 цагийн орчим болжээ.
Тухайн улсын YLE-ийн мэдээллэснээр хэргийн сэжигтэн нь мөн 12 настай ба тус сургуулийн сурагч юм байна. Сэжигтэн хэргийн газраас зугтах оролдлого хийсэн ч сургуулиас холгүй цагдаа нарт баригджээ.
Буудалцаан болсон дунд сургууль нь хотын захад байрладаг 800 орчим сурагч , 90 гаруй багш ажилтантай.
Финлянд улсын иргэд зэвсэг эзэмшилтээр дэлхийд тэргүүлдэг. Тус улсад ан агнах үзэгдэл соёлын түвшинд хүлээн зөвшөөрөгдсөн байдаг учир зэвсэг эзэмших эрх бараг иргэн бүрт нээлттэй байдаг байна.
Дээрх хэрэгтээ төстэй хэрэг мөн 2007 онд болж байсан ба 18 настай сургуулийн сурагч Пекка-Эрик Овинен Финляндын өмнөд хэсгийн Тусула хотын ахлах сургууль дотор гал нээсний улмаас найман хүн амиа алдаж, 10 хүн шархдаж байжээ.
Эх мурвалж: CNN
