1997 оны “Titanic” киноны зураг авалтад ашигласан модон хаалгыг дуудлага худалдаагаар үнэ хаялцуулахад нэгэн эрхэм $718,750-аар худалдан авчээ.
Киноны гол дүр Роуз (жүжигчин Кэйт Уинслет) хөлгийг живэх үед энэ хаалган дээр хөвж амьд үлддэг. Киног гарсан цагаас эхлэн үзэгчдийн дунд хаалга Жэйкийг (жүжигчин Леонардо Ди Каприо) бас багтаах боломжтой байсан гэх маргаан үргэлжилсээр байгаа юм.
Дуудлага худалдааны танилцуулгад хаалгыг “үзэгчдийн дунд томоохон маргаан дэгдээсэн эд” гэж тодорхойлжээ.
2012 онд киноны найруулагч Жэймс Камерон үзэгчдээс энэ үзэгдэлтэй холбоотой Роузыг “амиа хичээгч”, Жэйкийг “тэнэг” гэж шүүмжилсэн захидал олныг хүлээж авч байснаа ярьсан байдаг.
Үзэгчдийн ихэнх нь хаалга гэж андуурдаг энэ ханын модон хавтан нь 2.4 метр урт, 1 метр өргөн хэмжээтэй юм байна.
Эх сурвалж: BBC
