Ойрын өдрүүдэд ихэнх нутгаар өдөртөө дулаарч байна. Мэргэжлийн байгууллагуудаас шар усны үер их хэмжээний хохирол дагуулах эрсдэлтэйг анхааруулсаар байна.
Нийт нутгаар цаг агаар дулаарсан тул цас, мөс хайлж, шар усны үер болон уруйн үер буух нөхцөл бүрдэх магадлалтай. Тиймээс малчид, ард иргэд, тээвэрчдийг шар усны үер болон уруйн үерээс сэрэмжтэй байхыг анхааруулж байна.
Мөн халиа урсах, цас мөс хайлж шар усны үерт өртөж болзошгүй айл өрхүүд хашааны гадна тал, ойр орчмын цас мөсөө цэвэрлэж зөөх, шуудуу ухах, шороон далан босгож шар усны үерийн эрсдэлээс урьдчилан сэргийлэх арга хэмжээ авахыг зөвлөж байна.
