NCAA буюу Америкийн коллежийн сагсан бөмбөгийн нэгдүгээр зэрэглэлд багтдаг багаас С.Ган-Эрдэнэ урилга хүлээн авсан байна. Тус баг нь Охайогийн Их сургуулийн “Охайо Бобкатс” баг юм.
Тус урилгыг хүлээн авч “Охай Бобкатс” багтай нэгдвэл коллежийн сагсан бөмбөгийн нэгдүгээр лигт мөрөө гаргаж буй хоёр дахь монгол тамирчин болох юм.
С.Ган-Эрдэнэ энэ жил дөнгөж 16 настай, ахлах сургуулийн 10 дугаар ангийн сурагч юм.
Ихэнх тамирчдд төгсөх ангидаа их сургуулийн багаас санал авах нь түгээмэл байдаг бол С.Ган-Эрдэнэд бусдаас харьцангуй эрт санал ирсэн нь ирээдүйтэй тамирчин гэдгийг нь илэрхийлж байна. Тэрбээр өдгөө АНУ-ын Мичиган мужийн Энн Арбор хотын ахлах сургуульд суралцаж, сургуулийнхаа шигшээ багт амжилттай тоглосноор энэхүү үүд хаалга нээгджээ.
