Угаарын хий нь нүүрс болон бусад органик бодисын дутуу шаталтын дүнд үүсдэг агаараас хөнгөн, хортой хий юм. Угаарын хийгээр амьсгалснаар хүний бие хүчилтөрөгчийн дутагдалд ордог ба улмаар хүний тархи болон зүрхэнд очих хүчилтөрөгчийн хэмжээ буурч угаарын хордлогонд өртдөг.
Угаарын хийн хордлого нь толгой өвдөх, дотор муухайрах зэрэг шинж тэмдэгтэй тул илэрсэн тохиолдолд гэрийн хаалга, цонхыг нээн агаар оруулах буюу угаартаж буй хүнийг гадаа гаргах мөн яаралтай 103 дуудах хэрэгтэй.
Угаарын хийн хордлогоос сэргийлж гэр, байшиндаа угаарын хий мэдрэгч төхөөрөмжийг суурилуулаарай.
