Улаанбаатар хотын гэр хороололд шахмал түлш хэрэглэж эхэлсэн цагаас Тавантолгой түлш компани иргэдэд шахмал түлшний тухай мэдээлэл, угаараас сэргийлэх чиглэлээр зөвлөгөө өгөх үүрэг бүхий Хэрэглэгчдэд үйлчлэх төвийг байгуулан ажилласан.
Энэ хугацаанд гэрээт ажилчдыг бүртгэж, нэг гэрээт ажилтан 200-300 өрхийг хариуцан угаараас сэргийлэх чиглэлээр болон зөв галлагааны талаарх заавар зөвлөгөө, мэдээ мэдээллийг өгч ажиллажээ. Тэгвэл энэхүү ажлыг Засгийн газрын тогтоолын дагуу Нийслэлийн Хэсэгчилсэн инженерийн хангамжийг удирдах газар хариуцан ажиллахаар болсон байна. Өөрөөр хэлбэл “Хэрэглэгчдэд үйлчлэх төв” нь Нийслэлийн Хэсэгчилсэн инженерийн хангамжийг удирдах газрын Сайжруулсан түлшний хяналтын хэлтэс болон өөрчлөгджээ.
Иргэн та хэрэглэгчдэд үйлчлэх төвийн 70119410 дугаарын утсаар холбогдож мэдээ, мэдээлэл, заавар зөвлөгөө авах мөн зуух, пийшингийн засварын талаарх дуудлагыг өгөх боломжтой юм.
