Украины Ерөнхийлөгч Володимир Зеленский өнгөрөгч ням гаригт CNN-д ярилцлага өгчээ.
Тэрээр хэрвээ АНУ-ын хууль тогтоогчид тус улсад 60 тэрбум ам.долларын цэргийн тусламж үзүүлэх тухай Ерөнхийлөгч Жо Байдены хүсэлтийг зөвшөөрөхгүй бол ОХУ-ын эсрэг дайнд “сая сая хүн амиа алдах болно” хэмээсэн юм.
Мөн Зеленский АНУ-ын сенат Ж.Д.Вансын “Украинд их хэмжээний мөнгөн тусламж үзүүлсэн ч дайны үр дүнд нөлөөлөх боломжгүй” гэх байр суурийг үгүйсгэж, тэд дайны нөхцөл байдал ямар хэмжээнд байгааг мэдэхгүй байгаа бололтой. Эхлээд өөрийн биеэр ирж, иргэдтэй уулзаж, ярилцаж, АНУ-ын дэмжлэггүйгээр юу тохиолдож болохыг ойлгох хэрэгтэй. Тэгснээр сая, сая хүн амь эрсдэх нөхцөл байдалд байгааг мэдэх болно” гэсэн юм.
АНУ-ын сенатууд Украинд үзүүлэх тусламжийн асуудал дээр хуваагдмал байр суурьтай байна. Сенат Ж.Д.Вансаар ахлуулсан бүлэг тусламжийг эсэргүүцэж буй бол сенат Чак Шүмерээр ахлуулсан бүлэг дэмжих байр суурьтай байгаа юм.
