Цагаан будаа нь богино, дунд, урт хэмжээтэй байдаг. Эдгээр нь цардуулын хувьд яг ижил ч цардуул үүсгэж байгаа нүүрс уснуудаараа ялгардаг. Цардуул амилоз, амилопектин гэсэн хоёр шим бодисоос бүрддэг.
Амилоз нь глюкозын урт гинжин хэлхээтэй, спираль бүтэцтэй байдаг тул илүү хатуу, шингэх нь бага байдаг. 100 гр амилозын өндөр агуулгатай будаа идлээ гэхэд 40-50% задрахгүйгээр өтгөнөөр гадагшилдаг. Ийм будааг чихрийн шижинтэй болон турахыг хүссэн хүмүүс идэх нь тохиромжтой. Будаа уртсах тусмаа амилозын агуулга өндөр байдаг.
Амилопектин бол богино, шулуун глюкозын гинж. Богино шулуун тул бие организмд шингэнэ, энерги үүсгэнэ гэж жигтэйхэн. Богино будааны наалдамхай байдаг чанар энэ нүүрс ус түлхүү байгаагийнх. Энэ чанарыг нь ашиглаж суши, дог, кимбаб зэрэг хүнсний бүтээгдэхүүн хийхээс гадна манайхан будаатай хуурга хийж хэрэглээд аль хэдийн сурсан.
Тэгэхээр урт нь сайн, богино нь муу гэсэн зүйл ердөө байхгүй. Хүнд энерги хэрэгтэй байдаг, зарим хүн идэх зүйлээрээ энерги бага авах шаардлагатай. Энэ ялгааг мэдэж байвал хоолондоо будаа сонгоход их тустай шүү гэсэн юм.
Эх сурвалж: Хүнсний Инженер О. Гал-Очир
