Нийслэлийн Аялал жуулчлалын газар, “Скай Ресорт” ХХК-тай хамтран “Улаанбаатарын өвлийн наадам” арга хэмжээг энэ амралтын өдрүүдэд 2024.01.27-28-нд “Скайрезорт” цанын бааз болон “Цонжин болдог”-т байрлах “Уухайн дуу” жуулчны бааз, Үндэсний цэцэрлэгт хүрээлэнд тус тус зохион байгуулахаар болсон байна.
Эх орныхоо үзэсгэлэнт өвлийн улирал, ёс заншил, өв уламжлал, дахин давтагдашгүй өвөрмөц соёлыг сурталчлан таниулахын зэрэгцээ залуу үедээ өвлүүлэн үлдээх,өвлийн улирлын экстрим спорт, аяллын төрлүүдийг нийслэлчүүддээ таниулах, амралтын өдрүүдийг гэр бүлээрээ аз жаргалтай өнгөрүүлэхэд тус наадмын зорилго оршиж байгаа аж.
Наадмын үеэр
-Монгол туургатны мөсөн сурын аварга шалгаруулах тэмцээн, сонирхогчийн тэмцээн
-Мөсний шагайн улсын аварга шалгаруулах тэмцээн, сонирхогчийн тэмцээн
-Снөүбоардын тэмцээн
-Параглайдингийн /уулын шүхэр/ хотын аварга шалгаруулах тэмцээн
-Цасны Регбигийн хотын аварга шалгаруулах тэмцээн
-Мөсөн хананд авиралтын сонирхогчийн тэмцээн
-Гэр бүлийн буухиа, олс таталтын тэмцээн зохион байгуулагдана.
Үзүүлбэр үйлчилгээнд:
Шүхрийн үзүүлбэр
Шувуулахуйн үзүүлбэр
Снөүбоардын үзүүлэх тоглолт
Нохой чарганы үйлчилгээ
Хоол ундны үйлчилгээ
Цана, чарганы үйлчилгээ үзүүлнэ.
Наадамд Улаанбаатар хот болон 21 аймгийн 1000 гаруй баг тамирчид оролцохоос гадна БНХАУ-ын Өвөрмонгол, Шинжаан Уйгур, ОХУ-ын Буриадаас гэх мэт Монгол туургатны 80 гаруй тамирчин оролцох юм.
