Эдийн засаг, хөгжлийн яамнаас Ардчилсан намын гишүүн Ц.Уянгыг Бангкок дахь Элчин сайдын яамны зөвлөхөөр нэр дэвшүүлэх саналыг гаргажээ.
Нийтийн албанд нийтийн болон хувийн ашиг сонирхлыг зохицуулах, ашиг сонирхлоос урьдчилан сэргийлэх хуульд заасны дагуу хувийн ашиг сонирхлын урьдчилсан мэдүүлгийг хянуулах хүсэлт бүхий албан бичгийг АТГ руу явуулжээ.
Түүнчлэн Анкара дахь Элчин сайдын яамны зөвлөхөөр Ш.Жандос,
Бангкок дахь Элчин сайдын яамны зөвлөхөөр Ц.Уянга,
Брюссель дахь Элчин сайдын яамны зөвлөхөөр Баасанжавын Отгонжаргал,
Вашингтон дахь Элчин сайдын яамны зөвлөхөөр Цэвээний Тамир,
Канберра дахь Элчин сайдын яамны зөвлөхөөр Дэрэмийн Эрдэнэсувд,
Нурсултан Астана дахь Элчин сайдын яамны зөвлөхөөр Баатаржавын Бат-Амгалан,
Софи дахь Элчин сайдын яамны зөвлөхөөр Бүлтэнгийн Мөнхтуяа,
Сөүл дэх Элчин сайдын яамны зөвлөхөөр Бямбасүрэнгийн Энхбайгаль,
Токио дахь Элчин сайдын яамны зөвлөхөөр Хишигдэлгэрийн Даваадорж,
Эль-Кувейт дахь Элчин сайдын яамны зөвлөхөөр Чулуунбатын Батжаргал,
Хонгконг дахь Элчин сайдын яамны зөвлөхөөр Мэдрээгийн Мөнхтулга,
Эрхүү дахь Ерөнхий Консулын газрын консулаар Базаргарьдын Болд нарыг нэр дэвшүүлж ХОМ-ийг хянуулахаар АТГ-д хүргүүлээд байна.
