АНУ-ын “United airlines” ХХК-ийн Монгол-АНУ чиглэлийн анхны нислэгийг хийж эхэллээ. Тэгвэл монгол руу нисэж эхэлсэн тус чиглэлийн бизнес ангиллын хоолны цэс олны анхаарлыг татжээ.
Уг хоолны цэсэнд салад, хөвсгөлийн үхрийн шарсан мах, говь маягаар амталсан тахиа, улаанбаатар арвай, уламжлалт боорцог, монгол жимстэй тараг, айраг гэх мэт монголын уламжлалт, онцлог болсон зүйлсийг багтаажээ.
Монгол, Америкийг холбосон анхны нислэгийг үйлдэж буй АНУ-ын “United airlines” авиа компанийн агаарын хөлөг 2025 оны тавдугаар сарын 1-ний өдөр Токио хотоос Улаанбаатар хот руу хөөрч, оройн 21:12 цагт “Чингис хаан” Олон улсын нисэх буудалд амжилттай газардсан. “United Airlines” компани 2025 оны зуны улиралд долоо хоногт гурван удаа Токио–Улаанбаатар чиглэлд тогтмол нислэг үйлдэх юм.
