Энэ оны гуравдугаар сарын 22-ны өдөр нэр бүхий цахим хаягаас “Ачилтын компанийн ажилчид бусдыг хэл амаар доромжилсон” гэх агуулга бүхий видео мэдээлэл олон нийтийн сүлжээнд нийтлэгдсэн.
Цагдаагийн байгууллагаас уг үйлдлийг бүртгэлд авч, иргэн “Т”-ийн хэрүүл маргаан үүсгэж, олон нийтийг үл хүндэтгэн танхайрсан үйлдэлд зөрчил шалган шийдвэрлэх ажиллагааг явуулж, харьяа дүүргийн анхан шатны шүүхэд шилжүүлсэн байна.
Шүүхээс тухайн иргэний үйлдэлд энэ оны 04 дүгээр сарын 04-ний өдөр шүүгчийн шийтгэврээр Зөрчлийн тухай хуулийн 5.2 дугаар зүйлд заасны дагуу 100 мянган төгрөгөөр торгох шийтгэл оногдуулж, шийдвэрлэсэн байна.
Тэгвэл цаана нь хохирч үлдсэн иргэний гомдлыг хэн барагдуулах нь тодорхойгүй. Үүнд төр ч тэр машин ачилтын компани ч тэр хохирсон иргэнээ үл тоосоор удсан. Төр нь иргэнээ хохирохгүй байх тогтолцоог бий болгож, машин ачилтын компани хууль дүрмээрээ ажиллавал нэгнийгээ үл хүндэтгэсэн үйлдэл гарахгүй байх боломжтой юм.
Иргэд та бүхэн Монгол Улсын Замын хөдөлгөөний дүрмийг сахин мөрдөж, тээврийн хэрэгслийг замын зорчих хэсэг, явган хүний гарц, замын тэмдгээр зөвшөөрөгдөөгүй хэсэгт зогсоож, түр, удаан зогсоох журам зөрчиж бусад тээврийн хэрэгсэл болон явган зорчигчийн хөдөлгөөнд саад учруулахгүй байхыг хүсье.
