АНУ-ын Калифорнийн их сургуулийн (UCLA) харьяа эмнэлгийн явуулсан судалгаа харвалтын улмаас үхэжсэн тархины эдийг нөхөн сэргээх үйлчилгээтэй хоёр/AUT00201, DDL-920/ эмийг эрдэмтэд харвасан хулгана дээр туршжээ.
Эрдэмтэд хоёр эмийг нөхөн сэргээх эмчилгээ тархинд ямар үр нөлөө үзүүлдэг механизмыг судлах явцдаа илрүүлсэн аж. Гэтэл DDL-920 нь харвасан хулганад хөдөлгөөн нь мэдэгдэхүйц сэргээхэд хүргэсэн аж.
“UCLA Neurology”-гийн дарга, тэрхүү судалгааг ахалж бичсэн профессор С.Томас Кармайкл хэлэхдээ “Зорилго нь цус харвалттай өвчтөн уугаад нөхөн сэргээх эмчилгээний үр нөлөөг үүсгэх эм бүтээх юм. Цус харвалтын дараах нөхөн сэргээх эмчилгээний бодит үр нөлөө хязгаарлагдмал байдаг. Учир нь ихэнх өвчтөнүүд цус харвалтын нөхөн сэргээх эмчилгээнд шаардлагатай эрчимтэй эмчилгээг тэсвэрлэж чаддаггүй” гэжээ.
Цус харвалтын улмаас тархин доторх мэдрэлийн эсүүдийн зарим холбоос тасардаг. “UCLA”-ийн эрдэмтэд цус харвалтын улмаас парвалбумин мэдрэлийн эсүүдийн холбоос тасардгийг олж илрүүлжээ. Парвалбумин эс нь гамма долгион нэртэй тархины хэмнэлийг үүсгэдэг. Уг хэмнэл нь зан чанар, хөдөлгөөнийг үүсгэдэг сүлжээг бүрэлдүүлдэг аж. Харвалт энэхүү гамма долгионыг алдагдуулдаг байна. Тэгвэл DDL-920 нэртэй эм нь харвасан хулганын хөдөлгөөний хяналт ихээхэн сэргэхэд хүргэжээ. DDL-920 эмийн үр нөлөөтэй байдал, аюулгүй байдлыг цаашид судлах шаардлагатай юм.
Эх сурвалж: Medical Express
