2024 оны намар Удирдлагын академийн захирал Д.Сүрэнчимэгтэй холбоотой эрх мэдэл, албан тушаалын байдлаа урвуулан ашиглаж, тендер будилаантуулсан, өөрийгөө академийн хөрөнгөөр шагнасан, хамаарал бүхий этгээдэд давуу байдал олгосон байж болзошгүй гомдол АТГ-т ирсэн бөгөөд үүний дагуу түүнийг шалгаж байгаа юм байна.
Мөн Удирдлагын академи 100 жилийн ойдоо зориулан “Улсаа урлахуй” баримтат киног бүтээсэн нь шалгагдах гол шалтгаан байх магадлалтай. Учир нь баримтат киноны нийт санхүүжилт нь 1,223,938.7 буюу тэрбум 200 сая төгрөг. Баримтат кино бүтээхдээ, 749 сая төгрөгийг Засгийн газрын нөөц сангаас, 474 сая төгрөгийг Удирдлагын академиас тус тус гаргасан байдаг.
Баримтат киноны гол агуулга нь эрдэмтдээс ярилцлага авч, монголыг сурталчлах байсан. Үүний хүрээнд 18 эрдэмтнээс ярилцлага авсан бөгөөд үүний зардал нь 215 сая гэж киног бүтээсэн “Мандала фильмс” ХХК төсвийн зардалдаа тусгажээ. Харин бусад зардал нь монтаж, дуу, дүрс, тийз зэрэгт зарцуулагдсан аж. Үүнээс харахад ямар ч гол дүргүй, тусгай эффектгүй баримтад кино бүтээхэд нэг тэрбум 200 сая төгрөг нь хэт өндөр санхүүжилттэй кино болж таарч байна.
