Лондонгийн хамгийн том Хитроу (Heathrow) нисэх онгоцны буудалтай ойролцоох цахилгааны дэд станцад их хэмжээний гал гарсны улмаас томоохон терминалууд хаагдахаас өөр аргагүйд хүрчээ.
Гал пүрэв гарагийн 23:30 цагийн орчимд гарсан бөгөөд энэхүү онгоцны буудлаас дунджаар 45 секунд тутамд онгоц бууж, хөөрдөг ба өдөр бүр 200,000 гаруй хүн үйлчлүүлдэг юм байна. Хитроу онгоцны буудал түр хаагдсанаас болж эмх замбараагүй байдал үүссэн байна. Хитроу онгоцны буудал гаргасан мэдэгдэлдээ:“Зорчигчид болон хамт ажиллагсдынхаа аюулгүй байдлыг хангах үүднээс 2025 оны гуравдугаар сарын 21-ний өдрийн 23:59 цаг хүртэл Хитроуг хаахаас өөр аргагүй болсон” гэжээ.
“Галын багийнхан ослын эсрэг хариу арга хэмжээ авч байгаа ч эрчим хүч хэзээ найдвартай сэргээгдэх талаар тодорхой мэдээлэл алга байна. Галыг унтраахаар 70 гаруй гал сөнөөгч, арван гал унтраах машин ажиллаж байгаа бөгөөд ойролцоогоор 150 гаруй хүнийг нүүлгэн шилжүүлж, урьдчилан сэргийлэх үүднээс 200 метрийн хамгаалалтын бүс байгуулсан байна.
