Газар доорх хоргодох байр, мөн уулын агуй, газар доогуурх хонгилд байрлуулсан холын тусгалтай их буунуудыг устгах зориулалттай тактикийн шинэ баллистик пуужинг БНСУ-ын армийн зэвсэглэлд хүлээлгэн өгсөн тухай “Yonhap” агентлаг мэдээлжээ.
Газар-агаар ангиллын уг пуужин Хойд Солонгосоос учирч болзошгүй аюулыг сөрөхөд чиглэсэн гэдгийг Өмнөд Солонгосын цэргийнхэн онцолжээ. Эдгээр пуужин нь Хойд Солонгосын нутаг дахь байд оновчтой цохилт өгөх боломжтой гэж Өмнөд Солонгосын Зэвсэгт хүчний Штабуудын дарга нарын хороо мэдээлсэн байна.
Тактикийн баллистик пуужингууд нь 180 км-ийн тусгалтай бөгөөд Умардын холын тусгалтай их буунууд байрладаг агуйнууд, газар дорх хонгилуудад байх байнуудад цохилт өгөх чадалтай ажээ. Өмнөд Солонгосын нийслэл нь Хойд Солонгосын их бууны галын тусгал хүрэх газарт байрладаг нь Өмнөдийн эрх баригчдыг ихээхэн түгшээдэг аж.
