Ерөнхий боловсролын сурагчид биедээ жижиг хутга мэсний зүйл авч явах, цаашлаад хүйтэн мэсээр бусдын биед халдах тохиолдол ч байна. Зарим сурагчид үе тэнгийнхнээ хутгаар сүрдүүлэх явдал байдаг нь ч нууц биш юм. Тухайлбал өнгөрөгч ням гарагт 15 настай охин найз хөвгүүнээ хутгалж хөнөөсөн хэрэг гарсан бол өнгөрсөн оны арван хоёрдугаар сарын 04-нд БЗД-т 15 настай сурагч хоёр эрэгтэй хүүхдийн нуруунд хутгалж гэмтээсэн хэрэг гарсан байна.
Хүйтэн мэсээр тогтохгүй электрон тамхи эр эмгүй биедээ нууж авч явах нь элбэг болсон. Зөвхөн хууль, хяналтын байгууллага ч гэлтгүй эцэг, эх та бүхэн таны хүүхэд халаас, цүнхэндээ юу авч явж байгааг шалгаж хүүхдүүддээ анхаарал тавих шаардлагатай. Та хүүхдэдээ итгэдэг байж болох ч таны хүүхдэд нөлөөлж болох бусад хүчин зүйлсийг та мэдэхгүй байх эрсдэлтэй гэдгийг анхааруулж байна.
