Увс аймгийн ЗДТГ-аас ахуйн зориулалттайгаар тарвага агнах зөвшөөрлийг олгох шийдвэр гаргажээ.
Энэ нь 2025 онд тус аймгийн нэр дурьдсан сумуудад 1000 тарвагыг ахуйн зориулалтаар агнаж болно гэсэн үг юм.
Энэ талаар тус аймгийн удирдлагуудаас тодруулахад “Нэг тарвагыг 82 мянган төгрөг байхаар тооцож, агнах зөвшөөрлийг олгоно. Зөвшөөрөл олгосон Өмнөговь, Хяргас, Малчин, Ховд, Бөхмөрөн, Цагаанхайрхан, Өндөрхангай, Зүүнхангай гэсэн сумын нутаг дэвсгэрт л тус зөвшөөрлийг олгож буй” хэмээв.
Тарвага агнах тоо хэмжээний дээд хязгаарыг батлуулсан дээрх аймгууд амьтан агнах эрхийн бичгийг авсны үндсэн дээр агнах боломж бүрдэх юм. Харин тоо хэмжээний дээд хязгаарыг батлуулаагүй бусад аймгуудад тарвагыг агнах боломжгүй бөгөөд хэрэв хууль бусаар агнавал, зөрчлийн тухай хуулиар хариуцлага хүлээлгэх аж. Мөн эрүүгийн хариуцлага хүлээлгэхээс гадна амьтны аймагт учруулсан экологи-эдийн засгийн хохирлыг хоёр дахин өсгөж төлүүлэхээр тусгасан байна.
